இந்தியாவில் முதன் முறையாக கண்ணாடி ரயில் பெட்டி அறிமுகம்...


சுற்றிலும் கண்ணாடி பொருத்தப்பட்டுள்ள புதிய வகை ரயில் பெட்டியை இந்திய ரயில்வே அறிமுகப்படுத்தியுள்ளது.

இந்த கண்ணாடி ரயில் பெட்டியானது, விசாகப்பட்டினம்-கிரண்டூர் பயணிகள் ரயிலில் தற்போது இணைக்கப்பட்டுள்ளது. இந்த புதிய வசதியை கடந்த ஞாயிற்றுக்கிழமை, ஒடிசா மாநில தலைநகர் புவனேஸ்வரில் இருந்து இந்திய ரயில்வே அமைச்சர் சுரேஷ் பிரபு காணொலி மூலம் கொடியசைத்து துவக்கி வைத்துள்ளார்.

இந்த ரயில் பெட்டியில் 360 டிகிரி அளவுக்கு சுற்றும் 40 இருக்கைகள், கண்ணாடி மேற்கூரை, ஏ.சி , ஜி.பி.எஸ், தானியங்கி கதவுகள், எல்.ஈ.டி விளக்குகள் ஆகியவை அமைந்துள்ளன.

விசாகப்பட்டினம்-கிரண்டூர் ரயில் பாதையில், அரக்கு மலைப்பகுதி அமைந்துள்ளது. எனவே இந்த கண்ணாடி பெட்டி மூலம் அந்த மலைப்பகுதியின் அழகை பயணிகள் ரயிலில் அமர்ந்தவாரே கண்டு ரசிக்க முடியும்.

இந்த பெட்டியை உருவாக்க இந்திய மதிப்பில் சுமார் 3.38 கோடி ரூபாய் செலவாகியுள்ளது. சுற்றுலா தலங்களை இணைக்கக் கூடிய ரயில் சேவைகளில், இது போன்ற கண்ணாடி பெட்டிகளை இணைப்பது குறித்து ரயில்வே அமைச்சகம் பரிசீலித்து வருவதாக தகவல் வெளியாகியுள்ளது.



0 கருத்துரைகள்:

Post a Comment

~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.>~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.

Live Tv