அம்மாடியோவ்! மனிதனுக்கே சவால் விடும் ரோபோ....

வருடா வருடம் சீனாவில் நடக்கும் உலக ரோபோ கண்காட்சியில் இந்த வருடம் Jia Jia என்னும் பெண் ரோபோ கலந்து கொண்டு அசத்தியது எல்லோரையும் ஆச்சரியப்பட வைத்துள்ளது.
ரோபோக்களை உருவாக்குவதில் சீனா நாடு எப்போதும் முன்னிலை வகிக்கிறது. தான் கண்டுபிடிக்கும் ரோபோக்களுகெல்லாம் முத்தாய்ப்பாக மனிதனிடம் பேசும் ரோபோவை அங்குள்ள வல்லுனர்கள் கண்டுபிடித்து அசத்தியுள்ளனர்.
இந்த ரோபோவுக்கு Jia Jia என பெயர் வைத்துள்ளவர்கள் அதை இந்த ஆண்டு நடந்த உலக ரோபோ கண்காட்சியில் பங்கேற்க வைத்துள்ளனர். அதில் பங்கேற்ற Jia Jia ரோபோ அனைவரிடமும் பேசி ஆச்சரியபடுத்தியுள்ளது.
ஒரு பார்வையாளர் அந்த ரோபோவிடம், உன்னிடம் என்னென்ன திறமைகள் உள்ளது என கேட்டார். அதற்கு அந்த பெண் ரோபோ Jia Jia ,என்னால் உங்களுடன் பேச முடியும், உங்கள் முகத்தை அடையாளம் காண முடியும் மற்றும் என் முன்னால் நிற்பவர் ஆணா அல்லது பெண்ணா, அவர்கள் வயது என்ன என்பதை கண்டுபிடிக்க முடியும் என சொல்லி அசத்தியுள்ளது.
இந்த ரோபோவை வடிவமைத்த Lu Dongcai என்பவர் கூறுகையில், இந்த பெண் ரோபோவிடம் சில சவால்கள் உள்ளது. அதாவது அவள் அவளுடம் பேசுபவரின் மொழியை மட்டுமில்லாமல் முக பாவனையையும் இரு சேர பார்த்தால் தான் அவளால் எளிதாக கண்டுபிடிக்க முடியும் என கூறியுள்ளார்.
அந்த கண்காட்சியில் இந்த Jia Jia ரோபோ போலவே பல வகையான திறமைகளை உள்ளடக்கிய ரோபோக்களும் இடம்பெற்றிருந்தது குறிப்பிடத்தக்கது.

0 கருத்துரைகள்:

Post a Comment

~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.>~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.

Live Tv