கூட்டமைப்பின் தலைவர் சம்பந்தனிடம் தமிழ் அரசியல் கைதிகள் உருக்கமான வேண்டுகோள்!

இலங்கை சிறைச்சாலைகளில் நீண்ட காலமாகத் தடுத்து வைக்கப்பட்டுள்ள தமிழ் அரசியல் கைதிகள் தமது விடுதலைக்காக இந்தியப் பாராளுமன்றக் குழுவினரிடம் எடுத்துரைத்து அரசுக்கு அழுத்தம் கொடுத்து ஆவன செய்யுமாறு, இந்தக் கைதிகள் தமிழ்த்தேசிய கூட்டமைப்பிடம் வேண்டுகோள் விடுத்துள்ளனர். இது தொடர்பாக கடிதம் ஒன்றை அவர்கள் தமிழ்த்தேசிய கூட்டமைப்பின் தலைவர் ஆர்.சம்பந்தனுக்கு அனுப்பி வைத்துள்ளனர்.

அந்தக் கடிதத்தின் முழு விபரம் வருமாறு:


தமிழ் அரசியல் கைதிகள்

அனைத்திலங்கை சிறைச்சாலைகள்.

13.04.2012

கௌரவ ஆர்.சம்பந்தன் அவர்கள் பா.உ

தலைவர்,

தமிழ்த்தேசிய கூட்டமைப்பு

ஐயா,

இந்திய பாராளுமன்றக் குழுவினரிடம் எமது நிலையினை எடுத்துரைத்து விடுதலைக்கு வழிசமைக்க வேண்டுகிறோம் அவசரகால மற்றும் பயங்கரவாதத் தடைச்சட்டங்களின் கீழ் கைது செய்யப்பட்டு, இலங்கையின் பல்வேறு சிறைச்சாலைகளில் மிக நீண்ட காலமாகத் தடுத்து வைக்கப்பட்டிருக்கும் தமிழ் அரசியல் கைதிகளாகிய நாம் தங்களிடம் விடுக்கும் வேண்டுகோள்:

காலம் காலமாக எமது விடுதலையை வலியுறுத்தி, அனைத்துத் தரப்பினரிடமும் வேண்டுகோள் விடுத்தும், பல கவன ஈர்ப்பு நடவடிக்கைகளில் ஈடுபட்டு, தற்போது, மனமுடைந்த நிலையில் விடுதலைக்கான இலக்கு தெரியாமல் சிறைகளில் அடைபட்டு கிடக்கும் எமது அவல நிலைமை நீங்கள் அறிந்ததே.

அந்த வகையில் எமது நிலையினையும், எமது குடும்ப உறவுகள் எதிர்கொள்ளும் வறுமை, பாதுகாப்பு அத்துடன் சமூக பிரச்சினைகள் உட்பட மனவேதனை, உளரீதியான தாக்கங்களையும் இலங்கை வந்திருக்கும் இந்திய பாராளுமன்றக் குழுவினரிடம் எடுத்துரைத்து, எமது எதிர்காலத்திற்கு ஒளியேற்றும்படி உரிமையுடன் கேட்டுக்கொள்கிறோம்.

இப்படிக்கு

தமிழ் அரசியல் கைதிகள்

அனைத்திலங்கை சிறைச்சாலைகள்.

0 கருத்துரைகள்:

Post a Comment

~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.>~ ஒருவன் தன்னிடம் பிறர் எப்படி நடந்து கொள்ள வேண்டுமென எதிர்பார்க்கிறானோ, அப்படி எல்லாரிடமும் தான் நடந்து கொள்வதே ஒழுக்கமாகும்.

Live Tv